Þóknun & gjöld

Ofan á hamarsverð hvers hlutar leggst 7% þjónustugjald. Þjónustugjaldið er alltaf sýnt áður en boð er staðfest og er innifalið í heildarupphæð við greiðslu.

Almenn söluþóknun seljanda er 7% af hamarsverði. Stofnseljendur, það er þeir sem skrá sig fyrir 1. janúar 2027, njóta 0% þóknunar til 1. janúar 2027 og greiða 3% eftir það. Enginn skráningarkostnaður er fyrir að setja hlut á uppboð.

Þegar myndverk sem njóta höfundaréttar eru seld á markaðnum ber Bestaboð að innheimta fylgiréttargjald og standa Myndstef skil á því, sbr. höfundalög nr. 73/1972 og reglugerð nr. 486/2001. Gjaldið reiknast af hamarsverði á stiglækkandi skala: 10% af fyrstu 3.000 evrunum, 5% af þeim hluta sem er á milli 3.000 og 50.000 evrur, 3% á milli 50.000 og 200.000 evrur, 1% á milli 200.000 og 350.000 evrur, 0,5% á milli 350.000 og 500.000 evrur og 0,25% af því sem er umfram 500.000 evrur, að hámarki 12.500 evrur. Gjaldið greiðist af seljanda og dregst frá útborgun, en leggst ekki ofan á greiðslu kaupanda. Þar sem það á við birtist það sérstaklega við kaup. [Viðmiðunargengi evru og útfærsla skila til Myndstef staðfestist með endurskoðanda.]

Greiðslur eru geymdar í vörslu þar til kaupandi staðfestir móttöku. Að því loknu eru fjármunir, að frádreginni þóknun og fylgiréttargjaldi þar sem það á við, greiddir á staðfestan reikning seljanda innan tveggja virkra daga.